Háreksstaðir

Nes fasteignasala kynnir:
Jörðina Háreksstaði Borgarbyggð.  Um er að ræða landmikla jörð í sunnanverðum Norðurárdal. 

Jörðin Háreksstaðir er landnámsjörð, 693 ha að stærð samkvæmt skráningu Nytjalands. Aðliggjandi jarðir eru Hvammur, Krókur, Lundur, Hermundarstaðir og Hóll. Mikið og fallegt gil sem nefnist Arnargil er á merkjum Hóls og Háreksstaða sem ræður merkjum frá ósi allt í Norðurá. Liggja síðan merkin um Norðurá móti Hvammi í Snagafit en þaðan eru merkin móti Krók til fjalls. Austan Arnargils er mikið fjalllendi og þar er m.a. Fiskivatn sem jörðin á hlutdeild í. Með Norðurá er allmikið undirlendi, fitjar, sem voru aðal slægjulönd jarðarinnar. Jörðinni fylgir veiðiréttur í Norðurá.

Enginn húsakostur er á jörðinni. Undanskilið sölunni er 11 ha spilda ofan vegar nefnt Háreksstaðaland ásamt íbúðarhúsi og útihúsum sem á henni standa. Þá er einnig undanskilið sumarhúsið Beinhóll ásamt 10.576 m2 lóð úr landi jarðarinnar.

Nánari upplýsingar veitir Þórarinn Halldór Óðinsson lögg. fasteignasali, í síma 497-0040 eða 865-0350, tölvupóstur thorarinn@fastnes.is
Nes fasteignasala ehf. Borgarbraut 57, 310 Borgarnes.